Category: # play

# play # Ратуша Навіны

Прафілактычная акцыя “Дэкада кібербяспекі”

ratusha_adm

З 27 мая па 5 чэрвеня 2024 года ў Рэспубліцы Беларусь праводзіцца прафілактычная акцыя “Дэкада кібербяспекі”. Гэта комплекс прафілактычных мерапрыемстваў, накіраваных на павышэнне лічбавай пісьменнасці беларусаў. Увага супрацоўнікаў МУС сфакусавана на ўразлівых катэгорыях – пажылыя людзі і дзеці. Падчас дэкады праходзяць лекцыі і семінары, на якіх спецыялісты расказваюць аб распаўсюджаных відах IT-злачынстваў, агучваюць практычныя парады, як абараніць сябе ад зламыснікаў і захаваць сродкі падчас ажыццяўлення фінансавых аперацый. Памятку па захiсту ад махляроў можна спампаваць тут

>>>
# play # Ратуша Музейныя таямніцы

Музейныя таямніцы. Слуцкі пояс.

ratusha_adm

Нядаўна экспазіцыя «Музея гісторыі Магілёва» папоўнілася ўнікальным экспанатам – арыгінальным слуцкім поясам. Арганізатарам вытворчасці паясоў у Рэчы Паспалітай выступіў у XVIII стагоддзі нясвіжскі магнат Міхаіл Радзівіл, які запрасіў да сябе з Турцыі армянскага майстра Аванеса Маджаранца, які называўся пазней на польскі манер Янам Маджарскім. Напэўна, нямногія ведаюць, што на адзін выраб ішло да 200 г золата і каля 60 г срэбра (залатыя, пазалочаныя і сярэбраныя ніткі ўпляталіся ў шаўковую аснову), што, напрыклад, на слуцкай «персіярне» ў 1796 годзе на 24 станках было зроблена 200 паясоў коштам ад 50 да 75…

>>>
# play # Ратуша Выставачная зала Навіны

Ноч музеяў 2024

ratusha_adm

У рамках Міжнароднай акцыі “Ноч музеяў” музей гісторыі Магілёва і выставачную залу наведалі больш за 500 чалавек. У гэты дзень былі арганізаваны прэзентацыі новых музейных экспанатаў: слуцкі пояс, гусарскі шлем, грыўна, паўціна. Працавалі інтэрактыўныя пляцоўкі, майстар-класы. Праводзіліся экскурсіі па экспазіцыі і ўздым на аглядную вежу. Добрым творчым дадаткам да свята былі выступленні артыстаў, музыкантаў, дэманстрацыя рыцарскіх баёў і даспехаў, дэфіле касцюмаў у сярэднявечным стылі, выстава творчасці рамеснікаў.

>>>
# play # Ратуша Выставачная зала Навіны

Запрашаем 18 мая з 18:00 да 23:00 на Ноч музеяў!

ratusha_adm

УК “Музей гісторыі Магілёва” запрашае магіляўчан і гасцей горада 18 мая з 18:00 да 23:00 на Ноч музеяў у гарадскую Ратушу і выставачную залу. У праграме: 🔹Выстава- продаж “Горад майстроў”, дэманстрацыя рамёстваў. 🔹Рыцарскі бой, дэфіле касцюмаў у сярэднявечным стылі. 🔹Прэзентацыя эксклюзіўных музейных навінак. 🔹Касцюмаваныя экскурсіі з інтэрактывам, пад’ём на назіральную пляцоўку. 🔹Выступленні артыстаў, майстар-класы, гульні, забавы. Тэл. для даведак: 78-59-68, 76-86-30.

>>>
# play # Ратуша Гісторыя Навіны

Прэзентацыя кнігі “Сімвалы беларускай вечнасці”

ratusha_adm

10 мая 2024 года ў музеі гісторыі Магілёва прайшла прэзентацыя кнігі “Сімвалы беларускай вечнасці”. На сустрэчы прысутнічаў яе аўтар Марзалюк І.А. Прэзентацыя была прымеркавана да святкавання дня Дзяржаўнага герба, Дзяржаўнага флага і Дзяржаўнага гімна Рэспублікі Беларусь. Вядомы беларускі гісторык і парламентарый падрабязна ахарактарызаваў гісторыю ўзнікнення сімвалаў беларускай дзяржаўнасці, адказаў на пытанні прысутных.

>>>
# play Выставачная зала Выставы Навіны

Выстава Рамана Коршунава “У пошуках гармонii”

ratusha_adm

10 траўня ў 16:00 адбудзецца адкрыццё персанальнай юбілейнай выставы прадстаўніка Магілёўскай арганізацыі Грамадскага аб’яднання “Беларускі Саюз мастакоў” Рамана Коршунава. Раман – ураджэнец Крычава. У 2004 годзе скончыў Магілёўскі дзяржаўны каледж мастацтваў, педагогі: Ф.С. Кісялёў, Б.І. Первунінскіх, М.І. Ліханенка. Затым Беларускую дзяржаўную акадэмію мастацтваў, аддзяленне станковага жывапісу, вучыўся ў прафесара, народнага мастака Беларусі М.В. Данцыга. Раман Каршуноў працуе ў станковым жывапісе, пераважна ў жанры пейзажа, нацюрморта, партрэта, знаходзячы цудоўнае ў простых матывах і рэчах. У сваіх творах мастак дзеліцца сваёй энергетыкай і эмоцыямі, перадае адчуванне велічы і гармоніі светабудовы, менавіта ў…

>>>
# play # Ратуша Гісторыя Навіны

Віншуем з 79-годдзем Перамогі ў Вялікай Айчыннай вайне.

ratusha_adm

УК “Музей гісторыі Магілёва” віншуе ўсіх з 79-годдзем Перамогі ў Вялікай Айчыннай вайне. У гэтае знамянальнае свята шчыра жадаем усім магіляўчанам шчасця, моцнага здароўя, аптымізму, радасці і міру! Няхай Перамога і памяць аб ёй будуць заўсёды з намі – у сэрцах, добрых пачынаннях, пастаянным і штодзённым клопаце пра старэйшае пакаленне!

>>>
# play # Ратуша Гісторыя Навіны

IN MEMORIAM Пётр Іванавіч Хаванскі (4.03.1959 – 2.05.2024 гг.)

ratusha_adm

2 траўня перастала біцца сэрца нашага калегі, навуковага супрацоўніка Музея гісторыі Магілёва, Пятра Іванавіча Хаванскага. Пётр Іванавіч быў яркай, неардынарнай асобай, добра вядомай усім краязнаўцам, гісторыкам і ўсім, хто любіў гісторыю роднага горада і Магілёўскага краю. Ён быў «усяедным» – яго цікавіла старажытная і сярэднявечная гісторыя, ён выдатна разбіраўся ў нумізматыцы і баністыкі, але самым яго вялікім запалам, справай усяго жыцця, была гісторыя Вялікай Айчыннай вайны. Ніхто так у дэталях і дробязях не ведаў гісторыю абароны Магілёва ў 1941 годзе, як ведаў ён. Ён жыў знакамітым Буйніцкім полем, яго экскурсіі…

>>>
# play # Ратуша Гісторыя Навіны

Героi Савецкага Саюза – Буянаў Міхаіл Кандрацьевіч.

ratusha_adm

Буянаў Міхаіл Кандрацьевіч – камандзір стралковага аддзялення 609-га стралковага палка 139-й стралковай дывізіі 50-й арміі 2-га Беларускага фронту, сяржант. Нарадзіўся 28 лістапада 1924 года ў сяле Жадзёнаўка Хамутоўскага раёна Курскай вобласці ў сялянскай сям’і. Рускі. Скончыў сельскую школу, пасля чаго працаваў у калгасе. У пачатку Вялікай Айчыннай вайны апынуўся ў акупацыі. У канцы студзеня 1942 года ўступіў у партызанскі атрад імя Варашылава, які быў створаны ў Хамутоўскім раёне. У складзе партызанскага атрада ўдзельнічаў у баях з нямецкімі войскамі. У верасні 1943 года быў прызваны на службу ў Рабоча-сялянскую Чырвоную Армію…

>>>
# play Выставачная зала Выставы Гісторыя Навіны

Вечная слава воінам-пераможцам.

ratusha_adm

Да 80-годдзя вызвалення Беларусі ад нямецка-фашысцкіх захопнікаў у вокнах выставачнай залы музея гісторыі Магілёва па вул. Болдзіна,1 аформлена выстава «Вечная слава воінам-пераможцам». На выставе размешчаны партрэты герояў, удастоеных звання Героя Савецкага Саюза за вызваленне горада Магілёва і Магілёўскага раёна і біяграфічны матэрыял аб іх баявых заслугах. На сайце і сацыяльных сетках музея ў рубрыцы Стужка памяці “Вечная слава воінам-пераможцам” штотыдзень будзе публікавацца матэрыял аб героях-вызваліцелях. У ходзе Магілёўскай наступальнай аперацыі за шэсць дзён баёў з 23 па 28 чэрвеня 1944 года войскі 2-га Беларускага фронту прарвалі абарону праціўніка на ўсю…

>>>