Category: # play

З 9 лютага ў выставачнай зале УК «Музей гісторыі Магілёва» выстава-аўтапартрэт «Я». Запрошаныя ўдзельнікі – творча адораныя жыхары Магілёва і вобласці. Гэта ўнікальная магчымасць супрацоўніцтва ў адным творчым праекце самадзейных і прафесійных мастакоў. Экспазіцыя аб’ядноўвае работы сарака аўтараў, выкананых у розных стылях і тэхніках, жанрах і арт-праявах. Удзельнікамі праекта будуць арганізаваны мерапрыемствы па правядзенні майстар-класаў і музычна-паэтычных сустрэч. У перыяд правядзення выставы ўсе наведвальнікі змогуць прагаласаваць за ўпадабаную працу ў некалькіх намінацыях. Падчас урачыстага закрыцця, па выніках галасавання, адбудзецца ўзнагароджанне пераможцаў ганаровымі граматамі і сувенірамі. Выстава будзе дзейнічаць да 26…

Нясумныя выходныя ў выставачнай зале на праекце «Я»: 📌майстар клас Аксаны Красніцкай і Лідзіі Трызонавай «Кавейныя ілюзіі» з выкарыстаннем кавы для ўвасаблення творчых ідэй і фантазій, 📌майстар-клас Наталлі Салдаценкі «Фларыстычны калаж» (стварэнне фларыстычных калажаў з засушаных кветак і раслін).  

Сёння на праекце “Я” гітарыст, аўтар-выканаўца Цімафей Бейнаровіч.

У выставачнай зале Музея гісторыі Магілёва адкрылася выстава-аўтапартрэт “Я”. Экспазіцыя аб’яднала работы 40 аўтараў, выкананых у розных стылях і тэхніках, жанрах і арт-праявах.

Дарагія магілёўцы і госці нашага горада, запрашаем вас на «Музейныя заняткі па выхадных»! 28-29 студзеня (субота, нядзеля) у 15.00. Адбудзецца лекцыя-экскурсія “Статут ВКЛ – як правобраз першай Канстытуцыі”. У ходзе музейнага занятку вы пазнаёміцеся з галоўным законам дзяржавы, па якім жылі нашы продкі ў XVI – XIX стагоддзях, надрукаваным у Вільні ў друкарні купцоў Мамонічаў. Магілёўскі Статут – адзін з 29 вядомых арыгіналаў Статута ВКЛ 1594 – 1595 гг., якія захоўваюцца ў музеях і бібліятэках свету і адзіны ў Рэспубліцы Беларусь. ПАПЯРЭДНІ ЗАПІС ПА ТЭЛЕФОНЕ: 78 59 68

Дарагія магілёўцы і госці нашага горада, запрашаем вас у выставачную залу на “Музейныя заняткі па выхадных”! 29 студзеня (нядзеля) у 12.00. Адбудзецца воркшоп Генадзя Асіпцова “Тэхніка партрэтнай фотаздымкі”. У ходзе занятку вы пазнаёміцеся з асаблівасцямі партрэтнай здымкі. Даведаецеся сакрэт, як здымаць прыгожыя партрэты, арыентуючыся на правілы фотаздымкі, што значыць правільнае фота і як прыгожа яго зрабіць. ПАПЯРЭДНІ ЗАПІС ПА ТЭЛЕФОНЕ: 76 86 30

Рэпартаж тэлеканала ” Беларусь 4. Магілёў”