ХІІI Міжнародная навукова-практычная канферэнцыя “Гісторыя Магілёва: мінулае і сучаснасць”
УПРАЎЛЕННЕ КУЛЬТУРЫ МАГІЛЁЎСКАГА ГАРВЫКАНКАМА
УК “МУЗЕЙ ГІСТОРЫІ МАГІЛЁВА”
ІНФАРМАЦЫЙНАЕ ПАВЕДАМЛЕННЕ
ПАВАЖАНЫЯ КАЛЕГІ!
Запрашаем Вас прыняць удзел у працы ХІІI Міжнароднай навукова-практычнай канферэнцыі “Гісторыя Магілёва: мінулае і сучаснасць”, прысвечанай Году міра і стварэння, якая адбудзецца
28-29 чэрвеня 2023 года ў г. Магілёве (Беларусь).
Праблемнае поле канферэнцыі:
- Старажытная гісторыя і археалогія Верхняга Падняпроўя і Пасожжа.
- Сацыяльна-эканамічная і палітычная гісторыя і сучаснасць рэгіёна.
- Ваенная гісторыя. Чалавек на вайне: штодзённасць і культурныя вобразы.
- Гераічная абарона Магілёва летам 1941 года.Падзеі Вялікай Айчыннай вайныі і вызваленне Магілёўшчыны.
- Магілёў і Магілёўшчына ў падзеях 1917-1919 гг.
- Канфесійныя працэсы на Магілёўшчыне.
- З гісторыі развіцця грамадска-палітычнай, прававой і філасофскай думкі.
- Духоўныя традыцыі: літаратура і мастацтва.
- Асаблівасці матэрыяльнай культура рэгіёна.
- Рэч і слова: артэфакт і культурныя кантэксты артэфакта.
- Традыцыі адукацыі, выхавання і навукі.
- Музей у сучасным грамадстве. Музейныя рэтраспектывы і перспектывы Магілёва.
- Праблемы крыніцазнаўства, археаграфіі і гістарыяграфіі рэгіёна.
- Вобраз Магілёва ў культурных дыскурсах замежжа.Сувязі Магілёва з гарадамі- пабрацімамі і гарадамі-партнёрамі.
- Славутыя магілёўцы.
- Магілёў у кантэксце урбаністычных працэсаў.
Зборнік матэрыялаў канферэнцыі будзе выдадзены да пачату канферэнцыі за кошт арганізатараў. Удзел у канферэнцыі бясплатны. Праезд удзельнікаў канферэнцыі, іх пражыванне і харчаванне аплачвае той бок, які камандыруе.
Рабочыя мовы канферэнцыі: беларуская, руская.
Для ўдзелу ў канферэнцыі неабходна да 15 мая 2023 г. падаць матэрыялы дакладаў і заяўку ў аргкамітэт (у электронным выглядзе). У заяўцы пазначаюцца: прозвішча, імя, месца працы (вучобы), пасада, вучоная ступень і званне, тэма даклада, паштовы і электронны адрас, нумар тэлефона.
Адрас аргкамітэта: 212030, Рэспубліка Беларусь, г.Магілёў, вул. Ленінская 1а, УК ”Музей гісторыі Магілёва”, тэл/факс +375 222 245011, е-mail: info@museumhm.by
Сайт: www.museumhm.by
Патрабаванні да дакладаў:
Матэрыялы даклада прадстаўляюцца ў рэдактары Word (версія не ніжэй 6.0) для Windows праз 1 інтэрвал шрыфтам Times New Roman 14, усе палі (верхняе, ніжняе, левае і правае) – па 2 см. Імя файла мусіць складацца з прозвішча і ініцыялаў аўтара.
На першым радку ўказваецца індэкс УДК (выраўноўванне па левым краі). Далей праз інтэрвал з выраўноўваннем па цэнтры вялікімі літарамі друкуецца назва даклада; праз інтэрвал – прозвішча(ы) і ініцыялы аўтара(аў); на наступным радку – месца працы ці вучобы; на наступным радку ў круглых дужках – горад, краіна.
З новага радка пры неабходнасці адзначаецца навуковы кіраўнік – яго вучоная ступень, вучонае званне, прозвішча і ініцыялы.
З новага радка – анатацыя артыкула на беларускай ці рускай мове з ключавымі словамі (у адпаведнасці з мовай артыкула), анатацыя на англійскай мове з ключавымі словамі. Аб’ём кожнага рэзюмэ – да 500 знакаў з прабеламі, да 7 ключавых слоў.
Далей з новага радка (абзацны водступ 1,25 см) друкуецца тэкст даклада. Зноскі на літаратуру даюцца ў квадратных дужках. Табліцы ўстаўляюцца ў тэкст. Пасля асноўнага тэксту прыводзіцца спіс літаратуры ў алфавітным парадку (літаратура афармляецца ў адпаведнасці з патрабаваннямі ВАК). Аб’ём тэксту – да 6 (шасці) поўных старонак (уключаючы спіс літаратуры, ілюстрацыі (фармат tif 300 dpi), табліцы, схемы і г.д.).
Не дапускаецца выраўноўванне тэкста з выкарыстаннем знакаў прабелу, сцісканне шрыфта і змяненне інтэрвала, выкарыстанне аўтаматычнай расстаноўкі пераносаў.
Аргкамітэт пакідае за сабой права адбору прадстаўленых тэкстаў. Матэрыялы з парушэннем указаных патрабаванняў, не адпаведныя тэматыцы канферэнцыі, крытэрыям навуковасці тэкста, альбо якія патрабуюць карэктуры, не дапускаюцца. Аргкамітэт не дае даведак аб ходзе экспертызы асобных прац.
Асабістае запрашэнне на ўдзел у канферэнцыі будзе даслана пасля атрымання заяўкі, з матэрыялам даклада і станоўчага рашэння аргкамітэта наконт прыняцця даклада да ўдзелу ў канферэнцыі.
Аргкамітэт пакідае за сабой права ажыццяўляць перавод матэрыялаў у электронную форму з размяшчэннем іх у электронным архіве музея, на сайце музея і ў Расійскім індэксе навуковага цытавання на платформе elibrary.ru у вольным доступе.
АРГКАМІТЭТ
Прыклад афармлення:
УДК
НАЗВА ДАКЛАДА
Кавалёў І. І.
Установа адукацыі «Магілёўскі дзяржаўны ўніверсітэт імя А. А. Куляшова»
(г. Магілёў, Беларусь)
Анатацыя
Ключавыя словы
Summary
Keywords
…………………………………………………………
[1, с. 24; 2, арк. 232].
Літаратура:
- Мальдзіс, А. Як жылі нашы продкі ў XVIII стагоддзі / А. Мальдзіс. – Мінск: Лімарыус, 2001. – 384 с.
- Дакладная запіска // Нацыянальны архіў Рэспублікі Беларусь. – Ф. 234. Воп. 1. Спр. 286.