Category: Музейныя таямніцы

Музей гісторыі Магілёва віншуе з Раством Хрыстовым усіх праваслаўных вернікаў і працягвае апавядаць чытачам пра музейныя таямніцы. У фондах музея захоўваецца абраз Раство Хрыстова, які быў перададзены ў 1993 годзе фондам Адраджэння культурнай спадчыны Магілёва (быў такі!) разам з калекцыяй іншых беларускіх абразоў, што паклала пачатак калекцыі жывапісу нашага музея. Гэтую калекцыю ў свой час сабраў на Магілёўшчыне і выратаваў ад знішчэння настаяцель Хоцімскага Свята-Троіцкага сабора архімандрыт Кірыл (Аляксей Бадзіч). За што яму нізкі паклон. Абраз напісаны ў сярэдзіне ХІХ стагоддзя, верагодна, гэта спіс з даўнейшага ўніацкага абраза і мае…

Музейныя таямніцы або з гісторыі аднаго прадмета Гісторыя дзевятая: “Магіслаў: вяртанне з нябыту” Уявіце сабе – 1708 год. Ідзе Паўночная вайна. Цяжкі пошчак падкаваных капытаў коней па брукаванцы Магілёва. Воклічы, крыкі. Горад гарыць. Маці, прыціскаючы да сябе дзіцяці, бяжыць па Падміколлю. Жанчына бяжыць да Дняпра. Бяжыць да чоўна. Бяжыць, каб уратаваць сябе і сына і пераплысці на левы бераг, на Лупалава. У руцэ хлопчыка гліняная лялька – салдацік у капялюшы-трохвуголцы. Ён з набора, які зрабіў для яго магілёўскі ганчар. Цацка выслізвае з рук. Знайсці, падабраць яе няма часу і  магчымасці.…

“Музейныя таямніцы… або з гісторыі аднаго прадмета”: рэтра-ялінка. Добры дзень, паважаныя госці нашага сайта. Перадсвяточны калядны настрой пануе ў свеце. Паўсюль зіхацяць аздобленныя ялінкі. Але эксклюзіўную рэтра-ялінку ў нашым горадзе можна пабачыць толькі ў музеі гісторыі Магілёва. Шкляныя ёлачныя ўпрыгажэнні і так званы “дрэздэнскі картанаж” былі даступныя далёка не ўсім, таму часта яны былі самаробнымі. На нашай ялінцы можна пабачыць самаробныя цацкі 1940 г., што былі зроблены магілёўскімі дзяўчынкамі і цудам захаваліся ў вайну. А таксама дэманструюцца фабрычныя упрыгажэнні з каніцелі і ваты, характэрныя для 1940-1960-х гадоў ХХ стагоддзя. Дапаўняюць…

Дарагія сябры! Мы працягваем інфармацыйны праект ” музейныя таямніцы…. або з гісторыі аднаго прадмета”. І сёння пазнаёмім вас з яшчэ адным унікальным музейным прадметам. У калекцыі музея “з гісторыі тэхнікі” захоўваецца рэч, якая была марай многіх савецкіх грамадзян – радыёпрымач “Новь”. Яго перадала ў дар музею ў 2010 годзе жыхарка Магілёва Галаўкова Дзіна Алегаўна. Такія прыёмнiкi выпускаліся Варонежскім радыёзаводам з 1956 года. Яны прызначаліся для жыхароў сельскай мясцовасці, дзе ў тыя гады яшчэ адсутнічала электрычнасць. Гэта чатырохлампавы прыёмнік стацыянарнага тыпу, зроблены па супергетэрадыннай схеме для працы ў даўгахвалевым і сярэдняхвалевым…

Добры дзень, паважаныя сябры! Мы спадзяёмся, што традыцыйна кожны чацвер вы з нецярпеннем адкрываеце наш сайт і прадстаўляем вашай увазе працяг інфармацыйнага праекта “Музейныя таямніцы… або з гісторыі аднаго прадмета”. У фондах музея захоўваецца цікавы элемент хатняга інтэр’еру – статуэтка аленя, які бяжыць. Выраблена яна з бронзы ў канцы XIX – пачатку XX стагоддзя, мае вышыню 10 см. Рэч пашкоджана: фрагменты двух ног часткова страчаны, а драўляная падстаўка абгарэлая. Гэта быў бы і не вельмі каштоўны музейны прадмет, калі б не ягоная гісторыя. Статуэтка захоўвалася ў адной з хат вёскі…

Добры дзень, паважаныя сябры! Традыцыйна кожны чацвер з вамі навуковы супрацоўнік музея Наталля Прачакова і яшчэ адна музейная таямніца. Самы старажытны так званы “Магілёўскі” скарб быў знойдзены ў 1822 годзе. У яго складзе было 1300 срэбных дырхемаў Арабскага халіфата 9-га стагоддзя. Гэты скарб паступіў ў Імператарскую Акадэмію навук у Санкт-Петербурзе. На жаль у Магілёве ад яго нічога не засталося, але ж дырхемы ў выглядзе “рэзаны” і падвесак захоўваюцца ў Музеі гісторыі Магілёва, адзін з іх можна пабачыць у экспазіцыі. Дырхем — срэбраная манета вагой у некалькі грам, у залежнасці ад…

«Музейныя таямніцы або з гісторыі аднаго прадмета». Гісторыя чацвёртая. Гэтая бронзавая таблічка пазначала дзверы магілёўскага земскага лекара Маісея Савельевіча (Мовше Шевлевіча) Калманоўскага. Верагодна, стрыечнага брата кампазітара Эдуарда Калманоўскага. Мовше Калманоўскі значыцца ў спісах выпускнікоў магілёўскай мужчынскай гімназіі за 1888 год. У 1897 годзе у г. Магілёве нарадзіўся яго сын Саламон, у будучым доктар медыцыны, слынны хірург, ганаровы доктар РСФСР. Менавіта яму была прысвечана песня “Людзі ў белых халатах”. Сталася гэта пры наступных абставінах. Аднойчы хірург Саламон Калманоўскі сур’ёзна захварэў і быў шпіталізаваны ў сваю ж бальніцу ў Чэлябінску. Калектыў настолькі…

Добры дзень, паважаныя сябры! Традыцыйна ў чацвер мы прадстаўляем вашай увазе працяг інфармацыйнага праекта “Музейныя таямніцы… або з гісторыі аднаго прадмета”. У фондах музея захоўваецца і мемарыяльныя рэчы. Напрыклад, адметны пісьмовы прыбор з элітным гадзіннікам “Агат” Залатаўстаўскага гадзіннікавага завода. Створаны ў 1960-я гады ў дызайне папулярнай на той час тэмы космаса. Першапачаткова асадка была с залатым пяром 583 пробы 0,4 г., пазней была заменена на шарыкавую. Такія пісьмовыя прыборы маглі сабе дазволіць буйныя кіраўнікі, пісьменнікі і іншыя вядомыя людзі. Прыбор, які вы бачыце на фота, належыў нашаму славутаму земляку –…

Дарагія сябры! Мы працягваем інфармацыйны праект “Музейныя таямніцы…. або з гісторыі аднаго прадмета”. І сёння пазнаёмім вас з яшчэ адным унікальным музейным прадметам. І хоць ён знаходзіцца не ў сховішча, а выстаўлены ў экспазіцыі музея, абысці бокам яго гісторыю мы не можам. Гісторыя другая. Амаль 10 гадоў таму ў фонды музея паступіла ўнікальная кніга. Акрамя самавітага ўзросту – ёй амаль паўтысячагоддзя, кніга з’яўляецца эталонам юрыдычнай практыкі таго часу, а некаторыя з яе артыкулаў не страцілі актуальнасці і ў наш час. Напэўна, многія з вас здагадаліся, што гаворка пойдзе аб Статуце…

Дарагія сябры і шчырыя прыхільнікі нашага музея! Мы запускаем інфармацыйны праект “Музейныя таямніцы або з гісторыі аднаго прадмета” і кожны тыдзень будзем знаёміць вас з адным з іх. Вядома, большасць з вас ведае, што прадметы, якія мы бачым у экспазіцыйных залах, гэта толькі “вішанька на торце”. Асноўная частка музейных “скарбаў” знаходзіцца ў спецыяльных памяшканнях-сховішчах. Што ж такое музейныя фонды і як яны камплектуюцца? Якія загадкі і цікавыя гісторыі яны захоўваюць? Аб гэтым і многім іншым наш новы праект. Гісторыя першая. Нядаўна ў музей прынеслі вельмі цікавы прадмет. Яго аналагаў няма…