# play # Ратуша Гісторыя Навіны

Музейныя таямніцы або з гісторыі аднаго прадмета. Гісторыя чацвёртая: “Бронзавая таблічка лекара”

«Музейныя таямніцы або з гісторыі аднаго прадмета». Гісторыя чацвёртая.
Гэтая бронзавая таблічка пазначала дзверы магілёўскага земскага лекара Маісея Савельевіча (Мовше Шевлевіча) Калманоўскага. Верагодна, стрыечнага брата кампазітара Эдуарда Калманоўскага.
Мовше Калманоўскі значыцца ў спісах выпускнікоў магілёўскай мужчынскай гімназіі за 1888 год. У 1897 годзе у г. Магілёве нарадзіўся яго сын Саламон, у будучым доктар медыцыны, слынны хірург, ганаровы доктар РСФСР. Менавіта яму была прысвечана песня “Людзі ў белых халатах”. Сталася гэта пры наступных абставінах.
Аднойчы хірург Саламон Калманоўскі сур’ёзна захварэў і быў шпіталізаваны ў сваю ж бальніцу ў Чэлябінску. Калектыў настолькі беражліва даглядаў свайго хірурга, што пляменнік Эдуард, які прыехаў з Масквы адведаць дзядзьку, быў вельмі гэтым расчулены. Уражанні ад гэтай паездкі натхнілі яго на стварэнне песні “Людзі ў белых халатах”, імправізаваная прэм’ера якой адбылася тады ж ў абласной бальніцы.