Category: # play

23 верасня ў аграгарадку Жылічы Кіраўскага раёна Магілёўскай вобласці адбудзецца І рэгіянальнае свята “Вераснёўскі фэст. Палац у Жылічах» у Жыліцкім палацава-паркавым ансамблі. У гэты дзень для гасцей свята адкрые свае цудоўныя залы адроджаны помнік архітэктуры класіцызму XVIII-XIX стагоддзяў – палац Булгакаў, які сёлета адзначае сваё 200-годдзе. На працягу святочнага дня арганізатарамі падрыхтавана насычаная праграма, адметнасцю якой стане баль у палацы эпохі XIX стагоддзя. Інфармацыя пра білеты і даведкі па тэлефоне +375 2237 74 846 (Установа культуры «Жыліцкі гістарычны комплекс-музей»). 13.00 – 20.00 у рамках музейнай экспазіцыі “Па старонках гісторыі” Установа…

Завяршылася пошукавая экспедыцыя 52-га асобнага пошукавага батальёна і клуба “ВІККРУ” ў Магілёўскім раёне. Падчас комплексу пошукавых мерапрыемстваў на былой лініі баявога судотыку 1941 г. былі выяўлены і эксгумаваны астанкі васьмі чырвонаармейцаў.Пяць асабістых апазнавальных знакаў перададзены на экспертызу з мэтай устанаўлення імёнаў загінуўшых.

12 верасня дырэктар УК “Музей гісторыі Магілёва” Бяспанскі Сяргей Іванавіч прыняў удзел у семінары ідэалагічных работнікаў вобласці «Увекавечанне памяці загінуўшых пры абароне Айчыны і захаванне памяці ахвяр войнаў. Праца рэгіянальных міжведамасных працоўных груп па ўвекавечанні памяці абаронцаў Айчыны, ахвяр войн і генацыду беларускага народа ў гады Вялікай Айчыннай вайны». У рамках семінара адбылося ўрачыстае мерапрыемства, прысвечанае памяці воінаў, якія загінулі ў ліпені 1812 г. у бітве з французамі, і асвятленню абраза «Гасподзь Уседзяржыцель» у мемарыяльнай капліцы ў в. Салтанаўка.