Мастацкі праект «Фармат» пачаў працу ў Магілёве

Мастацкі праект «Фармат» пачаў працу ў Выстаўным зале Магілёва. Яго экспазіцыя налічвае больш за 65 работ беларускіх мастакоў.

– Мы вырашылі сабраць у адным праекце працы мастакоў Беларусі, якія нейкім чынам звязаны з Віцебскай мастацкай школай, – распавяла старшыня Віцебскай абласной арганізацыі ГА “Беларускі саюз мастакоў” і сокуратор праекта Святлана Баранкоўская. – Бо сто гадоў таму адбылося шмат падзей, якія тычацца школы. Гэта вяртанне ў Віцебск ў 1917 годзе Шагала, стварэнне ў 19-м народнага мастацкага вучылішча, у гэтым жа годзе – прыезд Малевіча, у 1920 – стварэнне ім (Зацьвярдзіцелі Новага Мастацтва), дзейнасць якога стала этапнай вяхой у гісторыі сусветнага авангарда, спарадзіўшы цэлы шэраг радыкальных пераўтварэнняў традыцыйнага мастацкага мовы.

Рэалізацыя праекта пачалася ў 2017 годзе падчас «Славянскага базару». Тады было каля 30 мастакоў і каля 50 работ.

– Мы хацелі, каб мастакі праявілі сябе праз сваю творчасць, азірнуліся на падзеі 100-гадовай даўніны, калі імя Віцебскай мастацкай школы набыло сусветнае гучанне, паказалі, ці ідуць яны дарогай сваіх вялікіх папярэднікаў або выбіраюць іншыя шляхі, – адзначыла Святлана Баранкоўская. – Абмежаванні творчасці мастакоў закранулі толькі фармату карціны, што лягло ў аснову назвы праекта. Памер творы павінен быць 1х1 м альбо 50Х50 см.

Па словах арганізатараў, тое, што карціны на выставе размешчаны такім чынам – гэта асаблівасць канцэпта. На іншых выставах іх бы не павесілі нават у адной зале. Карціны выдатна спалучаюцца паміж сабой. Яны складаюцца ў адзіны пазл, у шахматным парадку, раскладваюцца як экспазіцыя.

Плануецца, што заключная выстава «Фармат» будзе арганізавана ў 2020 годзе ў Віцебску да 100-годдзя стварэння Уновіс.

Крыніца: Магилёўскі гарвыканкам