Author: ratusha_adm

Мы працягваем адкрываць нашым чытачам музейныя таямніцы. У фондах нашага музея захоўваецца ўнікальны наперсны крыж, які быў зроблены з лыжкі зняволенымі ў ГУЛАГу для святара Міхаіла Кузменка (1915-1986), каб адпраўляць набажэнствы ў лагерных умовах. А. Міхаіл быў асуджаны ў 1951 годзе за “контррэвалюцыйную дзейнасць і прапаганду” на 10 гадоў зняволення. У ГУЛАГу, у шахтах і на іншых працах у Інце правёў больш за 5 гадоў. Пасля вызвалення служыў у розных храмах Беларусі. У Магілёўскай Барыса-Глебскай царкве служыў з 1958 па 1971 гады, дзе напісаў дысертацыю на ступень кандыдата багаслоў’я “Магілёўская…

Праект ” Музейныя таямніцы … або з гісторыі аднаго прадмета» Цікавы бытавы прадмет знаходзіцца ў фондах Музея гісторыі Магілёва з 2014 года. Яго перадаў наш сябар Масольд Віталь Валер’евіч. Прадмет быў знойдзены візуальна пры земляных работах у гарадской рысе. Гэта прыстасаванне для асвятлення памяшкання – святец на дзве лучыны (лучына – доўгая смалістая драўляная дранка, якая падпальвалася і гарэла, асвятляючы пакой), датаваны XVII стагоддзем. Ён мае крэстападобную форму і выкананы з пяці пласцін, канцы якіх скаваныя разам і ўтвараюць загвоздку для мацавання ў шчыліны сцяны. Святец можа мацавацца так, што…

Дарагія сябры! Сёння я пазнаёмлю вас з яшчэ адной працай, якая знаходзіцца ў калекцыі “Жывапіс”, якую напісаў вядомы савецкі мастак Абрам Манасзон. Гэты нацюрморт быў створаны аўтарам у 50-я гады XX стагоддзя. Карціна набытая ўстановай культуры “Музей гісторыі Магілёва” у 2018 годзе ў Сяргея Мікалаевіча Аграновіча, хормайстра Вялікага тэатра Беларусі. Жонка Сяргея Мікалаевіча з сям’і Манасзон. Нагадаю, што нарадзіўся мастак у 1914 годзе ў Магілёве ў габрэйскай сям’і, дзе было пяцёра сыноў. У 1941 годзе скончыў Маскоўскі тэкстыльны інстытут, з пачаткам Вялікай Айчыннай вайны быў прызваны ў войска і дэмабілізаваўся…