Category: Выставачная зала

Адбылося адкрыццё персанальнай выставы знакамітага фотамастака Генадзя Карчэўскага “Магілёўскія эцюды”. На выставе больш за 100 работ аўтара. Кожная фатаграфія мае сваю гісторыю, сюжэты экспрэсіўныя, дынамічныя, большасць прысвечана роднаму гораду і, у гэтым плане, Генадзь з’яўляецца летапісцам Магілёва. Яшчэ ў савецкія гады аўтар захапіўся здымкай горада, яго жыхароў у розных сітуацыях, і па працах фотамастака можна ўбачыць, як горад мяняўся. Асобная частка экспазіцыі – гэта партрэты. Выстава будзе дзейнічаць да 27 красавіка.

У экспазіцыі работы аўтара розных гадоў, фатаграфіі чорна-белыя, што з’яўляецца класікай. Галоўная тэма-гэта сам горад Магілёў і яго жыхары, жанравыя фатаграфіі, чалавек у гарадскім асяроддзі, падчас правядзення святаў Дзень горада, Ноч музеяў, штогадовага міжнароднага фестывалю “Сакавік-кантакт”. Цікавым жанрам з’яўляецца партрэт. Ў экспазіцыі прадстаўлены партрэты як пастановачныя, так і рэпартажныя. Выстава будзе дзейнічаць да 27 красавіка.

Дарагія сябры, мы працягваем знаёміць з творчасцю Юдэля Майсеевіча Пэна. Пра яго творчую спадчыну і няпростае жыццё вы даведаецеся на выставе. Пэн не проста надзвычайны партрэтыст і каларыст, творы мастака можна назваць этнаграфічнай паэмай, прысвечанай жыццю Віцебска. Сёння яго працы захоўваюцца ў Віцебскім мастацкім музеі і Нацыянальным мастацкім музеі Беларусі.

31 студзеня ў 16.00 адбудзецца адкрыццё выставы жывапісных твораў. Ю.М.Пэна к.XIX-н.XX стст. са сходаў Віцебскага абласнога краязнаўчага музея. Юдэль Майсеевіч Пэн з’яўляецца знакавай асобай для выяўленчага мастацтва, яго творчасць назаўжды ўпісана ў гісторыю Беларусі і Віцебска – горада, які ён так любіў. На выставе можна убачыць усе выявы мастака. Ён быў аўтарам цудоўных жанравых. кампазіцый, цудоўным, тонкім майстрам псіхалагічнага партрэта. У экспазіцыі прадстаўлена галерэя партрэтаў, у якіх Пэн адлюстроўвае свой ідэал жаночай прыгажосці, і ўсе творы прасякнуты ўзвышшам пачуццяў. Выставачны праект “Віцебскі альбом” будзе дзейнічаць да 30 сакавіка.

Дадзеная тэматычная экспазіцыя “Магілёўшчына ў люстэрку кінематографа” упершыню сабрана і будзе паказана ў выставачнай зале музея гісторыі Магілёва. Яна прымеркавана да 100-годдзя беларускага кіно, бо з 1924 года вядзе свой адлік кінастудыя “Беларусьфільм”. На фатаграфіях – невялікая частка кінематаграфічнай гісторыі, звязанай менавіта з Магілёўскай вобласцю, і, вядома, з “Беларусьфільмам” і іншымі савецкімі кінастудыямі. Гэта здымкі ў нашым рэгіёне такіх фільмаў, як «Я родам з дзяцінства», «Магіла льва», «Ветразі майго дзяцінства» і інш. Адкрыццё адбудзецца 1 лістапада ў 17:00, выстава будзе дзейнічаць да 8 снежня.