Да Дня выратавальніка і 25-годдзя з дня ўтварэння Міністэрства па надзвычайных сітуацыях Рэспублікі Беларусь у гарадской Ратушы адбылося ўрачыстае мерапрыемства з цырымоніяй узнагароджання. Для маладых супрацоўнікаў МНС была праведзена экскурсія па экспазіцыі музея гісторыі Магілёва.
>>>
Дарагія сябры, як заўжды з вамі праект “Музейныя таямніцы ….або з гісторыі аднаго прадмета”! У археалагічнай калекцыі Музея гісторыі Магілёва захоўваецца цікавая рэч – зліў сасуда XVII стагоддзя ў выглядзе галавы барана. Сасуды зааморфнай формы часта служылі ў якасці так званых акваманілаў. Менавіта так у той час называлі рукамыйнікі. Але гэта былі не проста звычайныя рукамыйнікі. Іх выкарыстоўвалі пры абмыванні рук падчас пэўных сакральных дзеянняў, царкоўных рытуалаў. У Заходняй Еўропе такія рэчы рабіліся як з каляровага металу, гэтак і з гліны. Але наш посуд, улічваючы яго памеры, мог належыць да…
>>>
10 студзеня ў 17: 00 у выставачнай зале УК «Музей гісторыі Магілёва» адбудзецца адкрыццё фотавыставы «Магілёў і магілёўцы». У экспазіцыі будуць прадстаўлены 130 работ 29 аўтараў. У асноўным гэта работы членаў Магілёўскага народнага кінафотаклуба “Вясёлка”, як вядомых фатографаў, так і маладых аўтараў, фотааматараў з іншых гарадоў, якія паспяхова здымалі Магілёў падчас сваіх наведванняў горада і розных мерапрыемстваў. Многія дзесяцігоддзі выставы гэтага знакамітага фотаклуба радуюць магілёўцаў. Па іх фатаграфіях ужо можна вывучаць гісторыю нашага горада, яго станаўленне і развіццё, убачыць, як змянялася Архітэктура асобных будынкаў, вырасталі новыя мікрараёны і мяняліся пакаленні…
>>>
5 студзеня ў выставачнай зале УК “Музей гісторыі Магілёва” адбылася цырымонія ўзнагароджання пераможцаў конкурсу дэкаратыўна-прыкладнога і выяўленчага мастацтва “”Каляровая скарбонка – 2023”
>>>
Інклюзіўнае свята “У гасцях у Навагодняй казкі” для дзяцей спецыяльнай школы 1 г.Магілёва дало магчымасць кожнаму праявіць сябе і па-сапраўднаму павесяліцца. Удзельнікі пазнаёміліся з выставай, прынялі ўдзел у інтэрактыўных чытаннях і пасябравалі з самай пазітыўнай камандай “Funnynose” бальнічных клоунаў.
>>>
Аншлаг на квэсты “Ноч чараўніцтва ў Ратушы”. У зімовы перадсвяточны вечар музей ператварыўся ў месца прыгод, цікавых выпрабаванняў і каманднага азарту. У экспазіцыях былі схаваны літары, якія знайсці можна было па музейных прадметах. Тут была магчымасць правесці фотасесію ў асяроддзі касцюміраваных персанажаў і атрымаць асалоду ад музыкі ў выкананні артыстаў Заслужанага калектыву Рэспублікі Беларусь Магілёўская гарадская капэла.
>>>
Новы год самае любімае і цудоўнае свята з чароўнымі ператварэннямі! І сёння навучэнцаў 2-А і 2-Д СШ №46 у выставачнай зале сустракалі Снежная каралева і Астролаг. Хлопцы паспрабавалі сябе ў творчасці, пагулялі ў інтэлектуальныя гульні, атрымалі невялікія сувеніры. Шчаслівыя ўсмешкі дзяцей сталі галоўным падарункам адыходзячага года!!!
>>>
Каляды і Новы год – цудоўныя святы, звязаныя з чаканнем выканання ўсіх жаданняў і надзеямі на лепшае ў надыходзячым годзе. Сёння, традыцыйна, мы віншавалі жыхароў Солтанаўскага псіханеўралагічнага дома-інтэрната. Майстар-клас па вырабе навагодняга ўпрыгожвання праводзілі Любоў Шаўчук і Алёна Іванчыкава. Гэтая сустрэча падарыла ўсім масу станоўчых эмоцый.
>>>
Дарагія сябры, з вамі праект «Музейныя таямніцы… або з гісторыі аднаго прадмета»! Гэты выпуск прысвечаны вядомаму магілёўскаму мастаку Базылю Камарову. У рамках Года міру и стварэння ў выставачнай зале адбылася яго юбілейная выстава «Шчырасць адзіноты». Экспазіцыя ўключала некалькі мастацкіх цыклаў і серый, а таксама асобных твораў жывапісу і графікі, сабраных у адной зале. Творчасць Базыля Камарова адрозніваецца глыбокай філасофскай праработкай, карціны старога Магілёва, выкананыя з гістарычнай дакладнасьцю, лічацца лепшымі рэканструкцыямі сярэднявечча. У экспазіцыйнай зале музея знаходзіцца карціна Базыля Камарова «Аблога Магілёва войскамі Януша Радзівіла падчас вайны Расіі і Рэчы Паспалітай»,…
>>>