Павіншаваць калег прыехалі прадстаўнікі сямі беларускіх ратуш. З прэзентацыяй пра гісторыю магілёўскай ратушы выступіў галоўны захавальнік фондаў Музея гісторыі Магілёва-Н. А.Прочакова. Гасцям паказалі віды горада з назіральнай пляцоўкі, а таксама правялі экскурсію па музеях горада Віцебска.
>>>
У 18 выпуску ваенна-гістарычнага зборніка прадстаўлены артыкулы магілёўскіх, беларускіх і расійскіх пошукавікаў, прысвечаныя вывучэнню пытанняў вайны і пошукавай працы на тэрыторыі Магілёўскай вобласці. У зборніку змешчаны матэрыялы пра нямецкія лагеры для ваеннапалонных на Магілёўшчыне Кіраўнік Магілёўскага абласнога гісторыка-патрыятычнага пошукавага клуба «Віккру» Мікалай Барысенка прэзентаваў чарговы выпуск ваенна-гістарычнага зборніка і распавёў пра яго змест. 18_MPV-2024
>>>
За тры гады па ўзгадненні з абласным ваенкаматам пры дапамозе неабыякавых грамадзян было перададзена больш за дзесятак ордэнаў і медалёў. З вялікім эмацыйным водгукам мерапрыемствы прайшлі ў Мінску, Круглым, Магілёве, Жлобіне, нават у далёкім Казахстане і Расійскай Федэрацыі. 19 сакавіка 2025 года ў Музеі гісторыі Магілёва адбылася чарговая перадача баявых узнагарод часоў Вялікай Айчыннай вайны. Медалі “За адвагу” і “За баявыя заслугі” былі знойдзены на палях Магілёўшчыны мясцовымі жыхарамі падчас сельскагаспадарчых работ і перададзены магілёўскім пошукавікам, а пасля комплексу пошукавых мерапрыемстваў, сваякам уладальнікаў ва ўрачыстай абстаноўцы ў Зале пасяджэнняў магілёўскай…
>>>
Іван Ціханавіч Грышын нарадзіўся 16 снежня 1901 года ў вёсцы Унукавічы Смаленскай вобласці ў сялянскай сям’і. Скончыў 4 класы сельскай школы. Пасля таго, як бацьку забралі на фронт першай сусветнай вайны – не вучыўся, працаваў у хатняй гаспадарцы. У Чырвонай арміі – з ліпеня 1920 года. Першы свой баявы вопыт атрымаў яшчэ курсантам, удзельнічаючы ў баях супраць белагвардзейцаў. З красавіка 1924 года камандаваў кулямётным узводам 81-га стралковага палка 27-й Омскай стралковай дывізіі (Беларуская ваенная акруга). У 1928 годзе паспяхова скончыў Іванава-Узнясенскую пяхотную школу імя М. В. Фрунзэ ў горадзе Арол.…
>>>
Добры дзень, дарагія сябры! 2024 год – юбілейная дата аперацыі «Баграціён», падчас якой уся тэрыторыя Беларусі была вызвалена ад гітлераўскіх захопнікаў! У фондах музея гісторыі Магілёва ў калекцыі “Жывапіс” захоўваецца партрэт ветэрана Леаніда Нікіфаравіча Мароза, які ўдзельнічаў у фарсіраванні Дняпра і вызваленні Магілёва. Партрэт напісаны з натуры прадстаўніком магілёўскай арганізацыі грамадскага аб’яднання “Беларускі саюз мастакоў” Паўлам Іванавічам Дзімітрыядзі і падораны музею ў 2014 годзе асабіста Леанідам Нікіфаравічам. Гісторыя ветэрана натхняе і выклікае гонар! Леанід Нікіфаравіч рана даведаўся, што такое вайна, прызваны быў у 17 гадоў і з баямі прайшоў ад…
>>>
10 мая 2024 года ў музеі гісторыі Магілёва прайшла прэзентацыя кнігі “Сімвалы беларускай вечнасці”. На сустрэчы прысутнічаў яе аўтар Марзалюк І.А. Прэзентацыя была прымеркавана да святкавання дня Дзяржаўнага герба, Дзяржаўнага флага і Дзяржаўнага гімна Рэспублікі Беларусь. Вядомы беларускі гісторык і парламентарый падрабязна ахарактарызаваў гісторыю ўзнікнення сімвалаў беларускай дзяржаўнасці, адказаў на пытанні прысутных.
>>>
УК “Музей гісторыі Магілёва” віншуе ўсіх з 79-годдзем Перамогі ў Вялікай Айчыннай вайне. У гэтае знамянальнае свята шчыра жадаем усім магіляўчанам шчасця, моцнага здароўя, аптымізму, радасці і міру! Няхай Перамога і памяць аб ёй будуць заўсёды з намі – у сэрцах, добрых пачынаннях, пастаянным і штодзённым клопаце пра старэйшае пакаленне!
>>>
2 траўня перастала біцца сэрца нашага калегі, навуковага супрацоўніка Музея гісторыі Магілёва, Пятра Іванавіча Хаванскага. Пётр Іванавіч быў яркай, неардынарнай асобай, добра вядомай усім краязнаўцам, гісторыкам і ўсім, хто любіў гісторыю роднага горада і Магілёўскага краю. Ён быў «усяедным» – яго цікавіла старажытная і сярэднявечная гісторыя, ён выдатна разбіраўся ў нумізматыцы і баністыкі, але самым яго вялікім запалам, справай усяго жыцця, была гісторыя Вялікай Айчыннай вайны. Ніхто так у дэталях і дробязях не ведаў гісторыю абароны Магілёва ў 1941 годзе, як ведаў ён. Ён жыў знакамітым Буйніцкім полем, яго экскурсіі…
>>>